#هااام
#البوست_الامتحاني_في_التشريح_العام 🔥💀

البوست طويل فقبل ما تبلش قراية اعمل منشن للشلة وبعدا طلاع اقرا (لو بدو ياخد وقت فمانو ضياعة وقت لانو شي مهم)


🕰 والآن ننتقل لتقسيم الوقت 🕰

سؤال المجموعة A: أنا طالب نيرد مخلص المادة خلال السنة ودارسا منيح كم يوم بشيل؟ وكيف بدرسا؟
الجواب: أنت وضعك كتيير تمام وممتاز فيك تشلا 10 أيام كحد أدنى وهيك بتخلص المادة أول مرة ب 8 أيام وتاني مرة بيومين يلي هني خميس وجمعة قبل المادة (هي كمراجعة سريعة) واذا حابب تدرسا أكتر فيك تشيل أيام أكتر هيك بتعيد أكتر وبتدرس انت ومرتاح
🟢 بتدرس الفصل الأول والتاني بيومين
🟢التالت والرابع والسادس بيومين
🟢الخامس والسابع والتامن والتاسع بيومين
🟢 وآخر 3 بيومين

(البرنامج يلي بالصورة هوي ل 12 يوم وهاد يلي بنصح فيه طبعاً لان أضمن)
طبعاً هاد التوزيع اختياري وقادر تغير فيه متل ما بدك وبيختلف من طالب لطالب وبرجع بكرر إذا فيك تشيل أكتر من 10 أيام لازم تشيل أضمن وأريح وبصير #طريقك_لل100 أسهل

سؤال المجموعة B: أنا دارس كل المادة عدا فصلين من السهلين كم يوم أترك؟
الجواب: كمان انت وضعك تمام فيك تشتغل متل خطة المجموعة A بس شيل 13 يوم خلص بالأول يلي ضالل عليك وبعدا بلش مراجعة
شوف البرنامج C بالصور تحت + البرنامج A

سؤال المجموعة C: أنا دراس أول 3 فصول من المادة وحاسس انو ما كتير مركزن شو الحل؟
الجواب: عزيزي طالب المجموعة C عليك بأنو تشيل حوالي 16 يوم والتوزيع على الايام بتشوفو كمان بالبرنامج C

هيك بتخلص معك المادة ب 12 يوم وبضل 4 أيام للمراجعة وبما انك ما رح يكون الك زمان دارس كل المادة فالمراجعة لازم تاخد معك وقت أقل وهيك بتخلص المادة وبتعيدا مرة

سؤال المجموعة D: أنا بعرف التشريح أول مادة فتركتا كلا لقبل المادة شو بتنصحني؟؟
الجواب: بنصحك تبلش فيا من بكرة او بعد بكرة بتوزيع البرنامج B

هلا مشان يلي بحس أنو ممكن ما يلحق شي فصل أو حابب يراجع نقاط مهمة وما بدو يراجع كل الأفكار قادر يدرس من (ملحق الصيغة الامتحانية) من هون للتنين انشالله بكون نازل وبفضل التاني والتالت والخامس ما يندرسو الا محاضرات أو كتاب بجوز يتكرر أسئلة منن بنسبة منيحة ويلي ما حابب يدرس التاني كتاب أو محاضرات يفضل يدرس كلشي محاضرات عدا التاني ملخص

بالتوفيق جميعاً 💚💚

#هامش يلي عندو سؤال بيقدر يسأل على بوت القناة عالتلغرام والدكاترة يلي معي بترد عليكن فوراً
ويلي بحب يسألني عالخاص كمان ما في اي مشكلة يحكيني هون

تحية للساهرين على انغام العيد وعم يدرسو

بما انو رح تبلشو تشريح (او بلشتو) ف رح نعمل هيك متل حزازير قصيرة ، انا بعطيكن تلميحات وانتو لازم تعرفو الشي يلي قاصدو انا طبعاً بالتشريح

1- عظم

2- جمجمة (أمامي)

3- مفرد

4- وجهين

اكتب بالتعليقات الجواب طبعاً هاد سهل بس منشان نفهم اللعبة

هلق بما انو عندي خبرة تشريحية حلوة نوعا ما
شو حابين تسالوني بالتشريح تكرموا رح جاوبكن ك طالب يعني انا لو محلك شو بعمل مو ضروري تطبق يلي بقوله بالنهاية الك رأيك وتفكيرك بس يعني انا بعطيك لو محلك شو بعمل
بالتوفيق حبايبي التشريح مادة ال١٠٠ انشالله🩵😎
وينعاد عليكون و ع اهاليكون كل سنة بالخير يارب اضحى مبارك للجميع
د.عامر سليمان

الحزورة التانية

1-امام foramen magnum

2-وجهين مخي وسفلي

3-محدر

4-حديبة بلعومية

احزر ؟

ال جود

الحزورة التالتة

💉القسم المركزي من قاعدة القحف
💉يحوي احد الجيوب المجاورة للأنف
💉مسكن الغدة النخامية
💉يسهم في تشكيل سقف جوف الأنف

شو الجواب ؟

🚨 الحزورة الرابعة

⚡الحديبة المفصلية

⚡شق كلازر

⚡الشوك الوتدي

⚡الشريان الاذني الخلفي

🚨 الحزورة الخامسة

⚡عضلة خلفية

⚡قفص صدري

⚡ الحفرة الابطية

⚡وحشي الضلع التاني

الحزورة السادسة

💪عضلة

💪تسهم في تشكيل الحيز الكتفي العضدي

💪تسهم في تشكيل Axillary fossa

🏋تقوم بحركتي Adduction و Medial rotation

تحية للساهرين وكيف التشريح والمعنويات

مين بيتذكر الشمردل بن قباب الكعدي

يسعدلي اوقاتكم حبايبي🩵
متل هاليوم الاسبوع الجاي بكون فحصك التشريح
طبعا هالشي مو لتخاف مجرد تذكير وتفكر لتحس بقرب المهمة والانجاز يلي عليك والواجب يلي لازم تعمله خلال هالاسبوع
اسبوع مادة التشريح مهم جدا هلق بهاد الوقت كل كلمة بتدرسها وبتراجعها هيي علامة الك
مادة التشريح من المواد يلي بتتصنف انها سهل ممتنع يعني هيي دراستها حلوة بس فيها غدر ونسيان لان كله وحشي وتحت وفوق وانسي وكذا بس هيي بتنجاب ١٠٠ والمادة الوحيدة هالفصل المضمون فيها ال١٠٠ بجدية كبيرة
الطريقة الامثل للدرس بالوقت الحالي وهي الطريقة هيي سبب لعلامة فوق ال٩٠ عند اغلب الطلاب وهي الطريقة يلي انا بعملها من لما كنت تحضيرية وبكل سنوات الطب حاليا
وقت تراجع فصل ما لاتتركه فورا اوعك ثم اوعك
لنعتبر عم تدرس الفصل التاني اخد يوم تمام بتعيده فورا بارضها ليش بارضها لان المعلومات لساتها جديدة براسك وبتنعاد بسرعة وسهولة وبتروح بتحل الدورات اي سؤال بتخربط فيه مهما كان تافه رجاع للكتاب وشوف فقرته ولو نظرة سريعة لتركزها بمخك وكتوب ع اول الفصل الفقرة كذا مشان الاعادة التانية تتذكر انت خربطت هون سابقا
ومهم جدا تعيد التشريح وتدرس بكامل تركيزك
الفكرة التانية ويلي هيي الفقرات الصعبة بتختلف من شخص لشخص انت عليك الفقرة يلي بتستصعبها وبتعذبك بالفهم تمسك ورقة بيضا وتكتب كل افكارها المهمة وتلزق هي الورقة قدام طاولتك لتتذكر كل يوم هي الفقرة صعبة بعمل وجه سريع قراية
تذكر حكيي اذا عملت هيك انت الكسبان
فكرة تالتة اوعك تترك المصطلحات لاخر شي بتهزمك وشر هزيمة اذا عملت هيك كل فقرة شو فيها مصطلحات بتدرسها بتكتبها اي طريقة انت بتحبها وبتريحك عندك تقريبا بين ال٣٠ ل٤٠ سؤال هنن مصطلحات وفي مصطلحات قريبة كتير من بعضها واذا حبوا يتواسخوا بجيبوهن مع بعض صارت فيني يعني مو مابتصير لهيك هدول بتكتبهن ع ورقة بيضا كمان نفس الشي وبتلزقها عالحيط قدامك
ليك وقت تحط شي قدام وجهك فهاد الشي بدماغك ع طول ومستحيل تنساه لهلق بتذكر الحيط قدام طاولتي بالتحضيرية كلها ورق هلق اذا لقيت صورة بنزلها وبفرجيكن كيف كنت مخرفش وملزق ورق
الصور ثم الصور بالتشريح اكيد كلكن عرفتوا اهميتها وقدي بتساعد بالحفظ وتذكر شكل العضم او العضلة او اي شي
افكار توضع كل عضو مقابل اي فقرة وهيك عملهن تجميعه انت قدامك
وبالاخير بدي قلكن اي حدا عندو تجميعة يعلق فيها عهالرسالة لتستفيد وتفيد
وبالنهاية تذكر دائما وابدا وماتوفيقنا الا بالله
كن لنفسك ولغيرك🩵
موفقين حبايبي
د.عامر سليمان

انظر🤣🩵

للمقصرين

يلي مقصر بالتشريح بذكّر بتواجد ملحقات التشريح الخاصة لفريقنا مع اسئلة الدورات مرتبة حسب الفقرات بالمكتبات ✔️✔️

اوعا تروح وتارك فصل 🌚

#ملحق_التشريح
#الفصل_الثالث
#العضلات
مع #دورات الفصل الثالث مرتبين حسب الفقرات

14 صفحة التلخيص
16 صفحة دورات

https://www.tg-me.com/Dr Âhmäd Slêmān Chemistry/com.Apluschem/7860